Lars Amund Vaage

Foreign rights information/Salg til utlandet

Lars Amund Vaage (fødd 1952) debuterte i 1979 med romanen Øvelse kald vinter. Tre år seinare slo han gjennom med romanen Fager kveldssol smiler. Han har sidan skrive ei rekke særeigne romanar, noveller, skodespel, barnebøker og dikt. Han er og gjendiktar. Han har motteke mange prisar for bøkene, mellom anna Kritikerprisen i 1995 for Rubato, og Aschehougprisen samme år, for Rubato blei han også innstilt til Nordisk Råds pris. Han har fått Oktoberprisen, Gyldendalprisen og Doblougprisen for samla forfatterskap. I 2002 fekk han P2-lyttaranes pris for romanen Kunsten å gå, i 2005 fekk han Emmausprisen for Tangentane og i 2011 fekk han Melsomprisen for Skuggen og dronninga. Romanen Syngja (2012) fekk strålande kritikkar. Vaage fekk Brageprisen, Nynorsk litteraturpris og blei nominert til Kritikerprisen for boka.

Han er oppteken av kva som skjer med menneska i eit samfunn der tradisjonane vert borte, av personar som tek val på tvers av det som vert sett på som riktig. Kva skjer med dei som skiljer seg ut? Kva fortel situasjonen til dei svake om samfunnet dei bur i? Språkløyse og musikkens språk er sentrale tema hos han, og spørsmålet om kjærleikens karakter og vilkår. Vaage er ein framifrå stilist og formelt utprøvande i det han skriv. Fleire av bøkene hans har skapt debatt då dei kom ut, t.d. Den framande byen, den nyskapande historiske romanen om psykiataren Wilhelm Reich, og romanen Tangentane om ein knust musikardraum frå 2005. Nokre av verka hans har blitt omsette til andre språk, t.d. tysk, russisk, polsk, hindi og engelsk.

I 2001 var han festspeldiktar ved De internasjonale festspillene i Bergen og i 2008 ved Dei nynorske festspela.

Han har gjendikta den amerikanske lyrikaren Lorine Niedeckers viktigaste verk Nord sentralt (2003), og Å koma tilbake frå fienden (2006) av cherokee-indianaren Joy Harjo. I 2009 kom Sanndrøymd. Dikt for unge av poeten og bygningsmannen Bob Arnold. I 2007 ga han ut ei omsetjing av Katt på heitt blekktak av Tennessee Williams. I dei seinare åra har han samarbeidd med fleire musikarar, mellom anna har han skrive tekstar til eit rekviem av Tord Gustavsen som vart framført på Arendal jazz og bluesfestival sommaren 2009.

Bøker utgitt på Oktober

2016 Sorg og song
2014 Den raude staden
2012 Syngja
2011 Den stumme
2010 Skuggen og dronninga
2006 Utanfor institusjonen
2005 Tangentane
2002 Kunsten å gå
2001 Det andre rommet
1999 Den framande byen. Ein roman om Wilhelm Reich
1995 Rubato
1992 Oklahoma
1989 Begynnelsen
1987 Baronen
1985 Dra meg opp!
1983 Kyr
1982 Fager kveldssol smiler
1979 Øvelse kald vinter

Litterære priser

2012 Brageprisen
2012 Nynorsk litteraturpris
2011 Melsomprisen
2005 Emmaus-prisen
2002 Gyldendalprisen
2002 P2-lytternes romanpris
2001 Festspilldikter i Bergen
1999 Oktoberprisen
1997 Doblougprisen
1995 Kritikerprisen
1995 Aschehougprisen
1995 Nynorsk litteraturpris
1993 Samlagsprisen
1990 Alfred Andersson-Ryssts fond
  • Handlekurv
Handlekurven din er tom
  • Nyheter

Tore Renberg slipper boklåt til høstens nye roman
Forfatter og musiker Tore Renberg lanserer sin nye roman 23. september. Romanen heter Du er så...

Les mer

Eline Lund Fjæren tildelt Bokhandelens forfatterstipend 2016
Eline Lund Fjæren ble fredag ettermiddag tildelt Bokhandelens forfatterstipend 2016. Fjæren motto...

Les mer

Richard Ford og Sofi Oksanen til Norsk Litteraturfestival
I morgen går startskuddet for årets litteraturfestival på Lillehammer. Festivalen venter store fo...

Les mer

Kristine Næss og Karl Ove Knausgård til norsk-amerikansk litteraturfestival i New York
For tredje år på rad arrangeres Norsk-amerikansk litteraturfestival i New York, i samarbeid med d...

Les mer

Per Pettersons Jeg nekter på koreansk
Per Pettersons roman Jeg nekter fra 2012 ble nylig solgt for oversettelse til koreansk. De...

Les mer ARKIV
  • Nyhetsbrev

Webdesign og publiseringsverktøy fra Netmaking | Powered by eZ Publish