Forlaget Oktober

Inger Bråtveit tildelt Suldal Mållags målpris 2010

"Eit poetisk språk, ein framifrå fin nynorsk og ei arv frå heimegrenda", var karakteristikken den 32 år gamle suldalsforfatteren fikk fra Suldal Mållag.

Inger Bråtveit (f. 1978) er frå Suldal. Ho debuterte i 2002 med romanen Munn mot ein frosen fjord . For den fekk ho Nynorsk litteraturpris, og ho vart kåra til "Årets debutant" på Forfatterne.net. Boka er også blitt omsett til svensk. Ho har vore medredaktør av litteraturtidsskriftetet Vagant, og arbeider no som omsetjar for Det Norske Bibelselskap sitt prosjekt «Bibel 2010», ein fullstendig revisjon av nynorsk -og bokmålsutgåva av Bibelen.

Bråtveit har sidan 2008 arbeidd saman med den norske musikaren og skribenten Jenny Hval a k a Rockettothesky, og saman har dei m. a skrive og framført dei performative førestillingane Frå Mummy Big til Medea og Take My Voice.

Hausten 2008 kom Bråtveits andre roman Siss og Unn, ein roman om mødrer og døtrer, om å klara seg og å gå til grunne.

Inger Bråtveit fekk sølvmedaljen i Dag og Tid si kåring av Årets Beste Nynorskbok 2008 for Siss og Unn, utan å vera nominert. Ho vart også nominert til Kritikerprisen.

I 2009 fekk Bråtveit Bjørnsonstipendet, Bokhandlerforeningens forfatterstipend.